【男友速成器加分表】
1. 識照騙
唔係叫你163cm照騙女生話自己193cm ，而係要識幫女生影相，影瘦一點點，影高一點點，構圖好一點點呀。總之就係捕捉到女神完美一面，你懂的，bro!
2. 讚女生
對住女神，怕怕羞既樣，好多時都會被誤會成猥瑣，所以愛要及時，讚都要及時喔! 大忌只讚外表，一般60%外表衣著，40%內涵啦。
3. 不留甲
你財運享通果隻超長尾甲，可以等追到女神先靜靜地留，因為對女生而言，見到男生指甲不乾淨，起黑邊又或者果隻超長尾甲真係見到都反反地胃。
4. 男人味
男生少不免都會有陣「男人味」，想同女神出街，沖返個靚涼，之後噴個 「淡淡」香氣既香水就最perfect，謹記唔好用殺死女既「濃濃古龍水」。
5. 帶紙巾
同女神食飯，隨即攞包紙巾出黎，一張遞比佢，再抹下D餐具，真係加分加到爆燈。一包紙巾只需$5，$5就可以取悅到女神，呢條數你識計啦。
圖片來源: Tempo Hong Kong Facebook
6. 清爽男
成面暗瘡粉刺面油，唔好話Goodbye kiss呀，下次仲有無得約出黎見都唔知。所以一定要保持清爽的肌膚，再配一個醒神既髮型，衣著唔老土就咩都得啦
來源: Instagram https://www.instagram.com/p/CE26XUEJ83Z/
來源: Instagram https://www.instagram.com/p/CLlENFehNqk/
清爽男生秘訣
7. 身材好
注重自己既Body，唔好未拍拖就大肚腩或者操機操到成隻猩猩出街，當然啦好既Body，好似叉燒咁唔太肥或太瘦，咁就perfect池啦，仲有機會教埋女神做gym。
https://www.youtube.com/watch?v=sNW68VTaVGk
資料來源: 【Viutv 娛樂新聞】Jeffrey示範肌肉打招呼 痴女阿正最開心 https://youtu.be/sNW68VTaVGk
8. 識煮飯
煮飯都有分層次，唔識唔緊要，可以先主攻佢鐘意食果味餸，最好煮西野，快靚正呀麻，當然原來你女神係鐘意食「滿漢全席」我就真係恭喜你，你女神應該玩緊你
9. 心事台
女生願意同你分享日常生活事，即係願意比你踏進佢既私人空間，一定要細心聆聽適時就比反應就足夠，話晒女生都唔係想你教佢做人，都係想你聽佢呻姐。
10. 小習慣
只要同女生輕輕一句︰「你最鐘意飲果間珍珠奶茶呢邊開左新分店呀，一陣行過去買比你飲呀」嘩，你想冧死人咩? 咩小細節都記低，仲唔係你既加分位?